Փարիզում փնտրում են ահաբեկիչների երեք հանցակիցներին. ԶԼՄ-ներ

Ֆրանսիայում փնտրում են ահաբեկչական բջջի անդամներին, որոնք կարող են ներգրավված լինել Charlie Hebdo խմբագրության վրա իրականացրած ահաբեկչական հարձակման և Փարիզի հրեական խանութի պատանդառության մեջ: Այս մասին հաղորդել AP գործակալությունը` վկայակոչելով ոստիկանության աղբյուրներին:

Ըստ տարբեր աղբյուրների` բջիջը բաղկացած է ութից տաս մարդկանցից: AP-ի աղբյուրներից մեկի հավաստմամբ` հինգ կամ վեց հանցակիցներ դեռևս կարող են ազատության մեջ գտնվել:

Գործակալության փոխանցմամբ` այդ բջջի կազմում եղել է նաև զոհված ահաբեկիչներից մեկի ընկերուհին: Օրերս խմբավորման ենթադրյալ անդամներից մեկին տեսել են Փարիզի մերձակայքում այդ կնոջ Mini Cooper մակնիշի ավտոմեքենայի ղեկին:

Թուրքական իշխանությունների տվյալներով` Սամա Բումեդյենը այժմ գտնվում է Սիրիայում` «Իսլամական պետություն» ահաբեկչական խմբավորման կողմից վերահսկվող տարածքում: