Դոնբասում ձերբակալել են 19-ամյա դիպուկահարուհուն. ԶԼՄ-ներ

Անցյալ շաբաթ Ուկրաինայի անվտանգության ծառայության աշխատակիցները ձերբակալել են 19-ամյա աղջկան, ով դիպուկահար է եղել և կասկածվում է առնվազն 10 ուկրաինացի զինվորների սպանության մեջ: Այս մասին հայտնել է «Ուկրաինսկայա պրավդան»` վկայակոչելով իրավապահ մարմինների աղբյուրներին:

Հրապարակման փախանցմամբ` նա ստացել է այն ուկրաինացի սպաների լուսանկարները, որոնց պետք է վերացներ:

«Աղբյուրը հայտնել է` աղջիկը խոստովանել է, որ նա և իր զորամասից մյուս աղջիկները վերապատրաստվել են Կրասնոդարում, նրանց հավաքագրել է Անվտանգության դաշնային ծառայությունը», - փոխանցել է «Ուկրաինսկայա պրավդան»:

Տարբեր սոցիալական ցանցերի էջերում արված գրառումների համաձայն` նրանց զորամասը գտնվում է Դոնեցկի ազգային համալսարանի հանրակացարանի շենքերից մեկում: