ՏՏ զարգացմանն աջակցող խորհրդում կկատարվեն փոփոխություններ
Տնտեսություն
«Ինտրաքոմ Հայաստան», «Սիտրոնիքս Արմենիա» և «Թեքնոլոջի ընդ Սայնս Դայնամիքս» ընկերությունները դիմել են ՀՀ կառավարությանը՝ խնդրելով իրենց ներգրավել Տեղեկատվական տեխնոլոգիաների զարգացմանն աջակցող խորհրդում ռոտացիոն կարգով ընդգրկվող ներկայացուցիչների ցուցակում:
«Արմենպրես»-ի փոխանցմամբ՝ խորհրդում վերջիններին ընդգրկելու և խորհրդի կազմում այլ փոփոխություններ կատարելու որոշման նախագիծն ընդգրկված է ՀՀ կառավարության հունվարի 15-ի նիստի օրակարգում:
«Տեղեկատվական տեխնոլոգիաների զարգացմանն աջակցող խորհրդում ռոտացիոն կարգով ընդգրկվող ներկայացուցիչների ցուցակում ներկայումս ներգրավված մի շարք կազմակերպություններ վերակազմակերպվել կամ լուծարվել են, սակայն ցուցակում համապատասխան փոփոխություններ չեն իրականացվել: Բացի այդ, ցուցակում առկա են կազմակերպություններ, որոնք ակտիվ մասնակցություն չեն ցուցաբերում խորհրդի աշխատանքներին: Հաշվի առնելով վերոնշյալը, ինչպես նաև այն, որ Տեղեկատվական տեխնոլոգիաների զարգացմանն աջակցող խորհուրդը կարևոր հարթակ է հանդիսանում հայաստանյան ՏՏ ոլ որտում առկա խնդիրների բարձրացման, քննարկման և համապատասխան լուծումների առաջադրման համար' նպատակահարմար է համարվել թարմացնել Տեղեկատվական տեխնոլոգիաների զարգացմանն աջակցող խորհրդում ռոտացիոն կարգով ընդգրկվող ներկայացուցիչների ցուցակը»,- նշված է նախագծի հիմնավորման մեջ:
Խորհրդի կազմում են Ինֆորմացիոն տեխնոլոգիաների ձեռնարկությունների միության, «ԱրմենՏել», «Նեյշնլ Ինսթրումենթս ԷյԷմ», «ՎիասֆերՏեխնոպարկ», «Ձեռնարկությունների ինկուբատոր» հիմնադրամի, Թումո կենտրոնի, «Սինոփսիս Արմենիա» և այլ ընկերությունների ներկայացուցիչներ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
