Մոսկվան Չինաստանին C-400 զենիթային համալիրներ է վաճառել. Strategy Page

Ռուսաստանը և Չինաստանն ստորագրել են Պեկինին C-400 զենթահրթիռային վեց դիվիզիոնների մատակարարման պարտավորագիր, հաղորդում է «Արմենպրես»-ը՝ հղում անելով ամերիկյան Strategy Page պորտալին: Համաձայնագրի պայմաններով՝ ՉԺՀ-ն յուրաքանչյուր դիվիզիոնի դիմաց կվճարի շուրջ 500 միլիոն դոլար: Պարտավորագրում նաև ներառված են մարտական մեքենաների անձնակազմերի պատրաստման ծառայությունները, պահեստամասերի և լրացուցիչ հրթիռների մատակարարումը: Պաշտոնապես պայմանագրի ստորագրումն առայժմ հաստատված չէ:

Ամերիկյան կայքի տվյալներով՝ յուրաքանչյուր դիվիզիոնի կազմի մեջ մտնում է ութ արձակման կայանք՝ յուրաքանչյուրում երկուական հրթիռ, հրամանատարական մեքենա, ռադիոտեղորոշման կայան և արձակման-լիցքավորման կայանքներ՝ յուրաքանչյուրում 16-ական հրթիռ: Չինական mil.news.sina.com.cn պորտալի տեղեկատվությամբ՝ C-400 մի քանի դիվիզիոններ կտեղակայվեն ծովի ափին՝ Տայվանի կողմից, իսկ մնացածները՝ Ճապոնիայի, Վիետնամի և Հարավային Կորեայի կողմից: