«ԻՊ-ը Հորդանանից պահանջում է ազատ արձակել 27 ահաբեկիչներին ճապոնացի գերու և հորդանանցի օդաչուի փոխարեն». ԶԼՄ-ներ
Համաշխարհային Մամուլ
«Իսլամական պետություն» ահաբեկչական խմբավորումը պահանջել է Հորդանանի բանտերից ազատ արձակել 27 ահաբեկիչների՝ դրա փոխարեն խոստանալով ազատ արձակել ճապոնացի գերի Կենձի Գոտոյին և Հորդանանի օդային ուժերի օդաչուին: Այս մասին հայտնել է ՏԱՍՍ-ը՝ հղում անելով ճապոնական TBS հեռուստաալիքին:
Նրա տեղեկացմամբ, ԻՊ-ը Հորդանանի իշխանություններին է հանձնել 27 ահաբեկիչների ցուցակը: Նրանց մեծամասնությունը ահաբեկչության համար արժանացել են մահվան դատավճռի:
Նախորդ շաբաթվա ընթացքում ծայրահեղականները տեսանյութ էին տարածել ճապոնացի գերիներ Կենձի Գոտոյի և Հարունա Յուկավայի մասին, որոնց սպառնացել են սպանել, եթե Ճապոնիայի կառավարությունը 72 ժամվա ընթացքում չվճարի փրկագին 200 միլիոն դոլարի չափով: Ժամկետը լրանալուց հետո համացանցում տեսանյութ է հայտնվել, որտեղ տեղեկացվել է Յուկավայի սպանության մասին:
Ահաբեկիչները փոխել են իրենց պահանջը՝ պնդելով ազատ արձակել մահվան դատավճռի ենթարկված ահաբեկչուհի Սաջիդա առ Ռիշավիին:
Ճապոնիայի վարչապետ Սինձո Աբեն հրամայել է ակտիվացնել խորհրդատվությունները Հորդանանի հետ հնարավոր փոխանակման համար:
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
