Նավթի-գազի բրիտանական ընկերությունները 21 մլրդ դոլարով կկրճատեն ծախսերն ու անձնակազմը. The Telegraph

Մեծ Բրիտանիայի BP и BG Group նավթի-գազի խոշորագույն ընկերություններն ընդհանուր առմամբ 21 միլիարդ դոլարով (13,9 միլիարդ ֆունտ ստեռլինգով) կկրճատեն կապիտալ ծախսերը և անձնակազմը՝ նավթի համաշխարհային գների անկման ֆոնին: Այս մասին, ինչպես տեղեկացնում է «Արմենպրես»-ը, գրել է The Telegraph թերթը:

Ընկերություններն սպասում են, որ իրենց շահութաբերությունը չորրորդ եռամսյակում զգալիորեն կնվազի նավթի գների անկման պատճառով: Իսկ BP-ն սպասում մեկ տարում շահույթի անկում մեկ տարի առաջվա 23,4 միլիարդ դոլարից մինչև 9,3 միլիարդ դոլար: BG Group-ում մինչև հարկումը շահույթը կարող է կրճատվել 7,4 միլիարդ դոլարից մինչև 5,4 միլիարդ դոլար:

Ավելի վաղ անգլո-հոլանդական Royal Dutch Shell կոնցեռնը հաղորդել է, որ առաջիկա երեք տարում 15 միլիարդ դոլարով կկրճատի ներդրումները:

Մեծ Բրիտանիայում BP-ի աշխատակիցների քանակը կազմում է շուրջ 15 հազար, BG-ինը՝ 5 հազար:

Ինչպես նշում է ՏԱՍՍ-ը, Brent տեսակի նավթի արժեքը Լոնդոնի ICE սակարանի սակարկություններում ցած է ընկել 52 դոլարից:

Լոնդոնի ICE սակարանի սակարկությունների ընթացքում մարտ ամսվա մատակարարման Brent մակնիշի նավթի ապառնագիրը Երևանի ժամանակով ժամը 10:30-ի դրությամբ իջել է 2,43 տոկոսով՝ մինչև մեկ բարելի դիմաց 51,7 դոլար: Ըստ որում հունվարի 30-ի սակարկությունների ընթացքում Brent-ի մեկ բարելի արժեքը կտրուկ աճել էր 8 տոկոսով՝ մինչև 53 դոլար:

Նավթի արժեքի նվվազումը տեղի է ունենում ԱՄՆ-ի նավթի ճյուղի աշխատողների՝ 1980 թվականից ի վեր խոշորագույն գործադուլի ֆոնին: Դրան մասնակցում են ինը խոշոր նավթավերամշակող գործարանների 3,8 հազար աշխատակիցներ:

Փորձագետների խոսքով՝ գործադուլը կարող հանգեցնել նավթի գների իջեցման: «Գործադուլի ընդլայնումը բացասական ազդեցություն կգործի նավթի արժեքի վրա: ԱՄՆ-ում արդյունահանվող վառելիքը պարզապես գործադրելու տեղ չի ունենա»,- նշել է Սիդնեյի Fat Prophets գործարար ընկերության վերլուծաբան Դևիդ Լենոքսը:

Նավթի գների այժմյան անկումն ամբողջությամբ վերցված շահավետ է գլոբալ տնտեսության համար: Այս կարծիքն է հայտնել Համաշխարհային բանկի փոխնախագահ Աքսել վան Տրոտսենբուրգը փետրվարի 2-ին ճապոնական «Իոմիուրի» թերթում հրապարակված հարցազրույցում:

«Աշխարհը հիմնականում բաղկացած է նավթ ներմուծող երկրներից,- նշել է նա:- Դրա գների կրճատումը բարենպաստ արդյունք կունենա, եթե դատենք գլոբալ տնտեսության կատեգորիաներով»: Համաշխարհային բանկի փոխնախագահի կարծիքով՝ ազատված միջոցները կարելի կլինի ուղղորդել ենթակառուցվածքային նախագծեր և սոցիալական խնդիրների ավելի ակտիվ լուծում:

Ինչպես կարծում է վան Տրոտսենբուրգը, այժմ կարող է խոսք լինել բոլոր էներգակիրների գների համակարգի խոշոր փոփոխման մասին: «Եթե ներկայիս իրադրությունը երկար տևի, ապա նավթի էժանացումը կազդի նաև բնական գազի և ածխի գների վրա»,- նշել է նա: