ԱՄԷ-ն դադարեցրել է ԻՊ-ի դիրքերի ուղղությամբ օդային հարվածները. ԶԼՄ-ներ

Մերձավոր Արևելքում «Իսլամական պետություն» ահաբեկչական խմբավորման դեմ պայքարում ԱՄՆ-ի հիմնական գործընկեր Արաբական Միացյալ Էմիրությունները դեռ անցած տարվա դեկտեմբերին դադարեցրել են գրոհայինների դիրքերի ուղղությամբ մասնակցությունը օդային հարվածներին: Այս մասին հայտնում է New York Times-ը՝ հղում անելով ԱՄՆ իշխանությունների ներկայացուցիչներին:

Այդ որոշումն ընդունվել է ԻՊ-ի գրոհայինների կողմից հորդանանցի օդաչուի առևանգումից և հրկիզումից հետո իրենց ռազմական օդաչուների անվտանգության համար վախի պատճառով:

«ԱՄԷ-ն Պենտագոնից ավելի մեծ ջանքեր է պահանջել որոնողա-փրկարարական գործողությունների կատարելագործման համար, այդ թվում օգտագործելով V-22 Osprey ուղղաձիգ թռիչքի ինքնաթիռներ, դրանք Քուվեյթում բազաներից տեղափոխելով Հյուսիսային Իրաք՝ ԻՊ-ի դեմ ռազմական գործողությունների տարածքներին ավելի մոտ»,- գրում է թերթը:

Պարբերականի տեղեկությամբ՝ քանի դեռ այդ ինքնաթիռները չեն տեղափոխվել Հյուսիսային Իրաքի օդանավերի թռիչքադաշտեր, Էմիրությունները չի վերսկսի մասնակցությունը ԻՊ-ի դիրքերի ռմբակոծություններին: