Ռուս լրագրողները կրակահերթի տակ են ընկել Դոնբասում. ԶԼՄ-ներ

Ուկրաինայի ուժայինները կրակ են բացել Չերնուխինո գյուղի տարհանվող բնակիչների և լրագրողների վրա, փոխանցում Լուգանսկի տեղեկատվական կենտրոնը` հղում անելով թղթակցին:

Հաղորդվում է, որ ուժայինները «խախտել են հրադադարը խաղաղ քաղաքացիների տարհանման ընթացքում և կրակ բացել նրանց վրա», ինչի հետևանքով մեկ մարդ վիրավորվել է:

«Կրակահերթի տակ են ընկել նաև ռուս լրագրողներ Դմիտրի Մալիշևը և Արտյոմ Կոլը», - հաղորդել է թղթակիցը դեպքի վայրից: