«Նասդաք Արմենիա»-ում կատարվել է 1,3 մլն դոլարի առքուվաճառք

«Նասդաք Արմենիա» ԲԲԸ-ում փետրվարի 6-ին կատարվել է 1 մլն 300 հազար դոլարի առքուվաճառք: «Արմենպրես»-ի հաղորդմամբ՝ ԱՄՆ դոլարի փոխարժեքի պահանջարկը կազմել է 479.80 դրամ, միջին փոխարժեքը` 479.49 դրամ:

Բորսայի վարկային ռեսուրսների հարթակում կատարվել է 5 մլրդ 150 մլն դրամի գործարք: Պահանջարկը կազմել է 17.01, առաջարկը` 24.00, միջին տոկոսադրույքը` 23.9998 տոկոս:

Դեկտեմբերի 27-ին ԱՄՆ դոլարի միջին փոխարժեքը կազմել է 470.00 դրամ: Դեկտեմբերի 28-ից մինչև հունվարի 19-ը բորսայում ԱՄՆ դոլարով գործարք չի կատարվել: Հունվարի 20-ին ԱՄՆ դոլարի միջին փոխարժեքը կազմել է 475.00, 21-ին` 471.33, 22-ին` 470.00 դրամ, 24-ին և 25-ին գործարք չի կատարվել, հունվարի 26-ին ԱՄՆ դոլարի միջին փոխարժեքը կազմել է 474.50 դրամ, 27-ին, 28-ին, 29-ին, 30-ին և փետրվարի 1-5-ը գործարք չի կատարվել։