«Յուքոմ»-ը կմասնակցի FTTH Խորհրդի Եվրոպայի EXPO XXI համաժողովին

Փետրվարի 10-12, մասնակցելով FTTH Խորհրդի Եվրոպայի EXPO XXI համաժողովին (FTTH Council Europe Conference, EXPO XXI, Warsaw), «Յուքոմ» ընկերությունը հերթական անգամ ներկայացնելու է իր նորարական փորձն ու ձեռքբերումները բնակարաններն օպտիկամանրաթելային մալուխներով ապահովելու բնագավառում:

FTTH Խորհրդի Եվրոպայի EXPO XXI համաժողովը օպտիկամանրաթելային կապուղին մինչև տուն հասցնելու տեխնոլոգիական լուծումների տարեկան եվրոպական համաժողով է, որին այս տարի իր գործընկեր «Կալիքս» (Calix) ընկերության կողմից հրավիրված էր նաև «Յուքոմ» ընկերությունն' իր եվրոպական գործընկերներին ներկայացնելու իր հաջողակ փորձն այս ոլորտում:

Դեռևս 2014 թվականին նորարարության բնագավառում համաշխարհային առաջատար «Կալիքս» ընկերությունը հենց «Յուքոմ»-ին էր շնորհել գլխավոր մրցանակը՝ որպես նորարարության բնագավառի առաջատար: «Կալիքս»-ն այն ընկերությունն է, որի միջոցով աշխարհի ծառայություն մատուցողները հնարավորություն են ունենում փոխակերպել իրենց ցանցերը և իրենց բաժանորդների համար դառնալ լայնաշերտ մատակարարներ:

«Յուքոմ» ընկերությունն առաջինն է Հայաստանում, որ օպտիկամանրաթելային մալուխների միջոցով տեղեկատվությունը հասանելի դարձրեց մարդկանց բնակարաններում: Որպես բնագավառի առաջատար' Լեհաստանում «Յուքոմ» ընկերության կոմերցիոն տնօրեն Կարեն Շաբոյանը բազմաթիվ միջազգային ընկերությունների ներկայացուցիչներին կներկայացնի ընկերության լավագույն փորձը:

Անգլերեն լեզվով ամբողջական մամլո հաղորդագրությանը ծանոթանալու համար այցելեք «Կալիքս» ընկերության պաշտոնական ինտերնետային էջ՝ հետևյալ հղումով: