Կիևը, ԴԺՀ-ն և ԼԺՀ-ն նախնական հրադադարի երաշխիքներ են տվել. ԶԼՄ-ներ

Ուկրաինայի հարցով կոնտակտային խմբին հաջողվել է հասնել հրադադարի հաստատման նախնական պայմանավորվածությունների և զենքի դուրսբերմանը: Ուկրաինական կողմը, ԴԺՀ-ն և ԼԺՀ-ն տվել են համապատասխան երաշխիքներ: Այս մասին հայտնել է ՌԻԱ Նովոստին` վկայակոչելով բանակցություններին մոտ կանգնած աղբյուրին:

«Կարող եմ վստահ ասել, որ երեկ կողմերին իսկապես հաջողվել է զինադադարի և զենքի դուրսբերման շուրջ համաձայնության գալ: Կիևն իր կողմից տվել է համապատասխան երաշխիքներ, ԴԺՀ-ի և ԼԺՀ-ի ներկայացուցիչները նույնպես հայտարարել են իրենց պատրաստակամության մասին», - ասել է գործակալության զրուցակիցը: