Հայաստանի գազամատակարարումը ժամանակավորապես դադարեցվել է

Կազբեկի շրջանում տեղի ունեցած քարաթափման հետևանքով Հյուսիսային Կովկաս-Անդրկովկաս մայրուղային գազատարի վնասվելու պատճառով փետրվարի 12-ին' ժամը 13:30-ից ժամանակավորապես դադարեցվել է բնական գազի մատակարարումը Հայաստանի Հանրապետություն: Ինչպես տեղեկացրել են «Գազպրոմ Արմենիա» ՓԲԸ-ից, իրականացվում են վերականգնողական աշխատանքներ, որոնց ավարտի և գազամատակարարման վերականգնման մասին կտեղեկացվի լրացուցիչ:

Հանրապետության սպառողների գազամատակարարումը կիրականացվի առանց սահմանափակումների: