ԿՀՎ-ն զարգացնելու է իր հնարավորությունները կիբեռլրտեսության բնագավառում. The Washington Post
Համաշխարհային Մամուլ
ԱՄՆ-ի Կենտրոնական հետախուզական վարչության (ԿՀՎ) տնօրեն Ջոն Բրենանը հայտարարել է, որ պլանավորվում է զարգացնել գործակալության հնարավորությունները կիբեռլրտեսության բնագավառում: Այդ մասին, ինչպես տեղեկացնում է «Արմենպրես»-ը, հաղորդել է The Washington Post-ի էլեկտրոնային տարբերակը:
Թերթի տվյալներով՝ դա կդառնա «հետախուզական գերատեսչության վերակառուցման» քայլերից մեկը, «որը երկար ժամանակ սահմանափակվում էր լրտեսական գործունեությամբ»: Բրենանի կողմից առաջարկվող փոփոխություններն «արտացոլում են հնացած մեթոդներից ձերբազատվելու և հետախուզությունում արդի հնարավորություններն օգտագործելու ԿՀՎ-ի վճռականությունը՝ նկատի առնելով սմարթֆոնների, սոցիալական ցանցերի և այլ տեխնոլոգիաների ժողովրդականության աճը», գրել է հրատարակությունը՝ վկայակոչելով Միացյալ Նահանգների կառավարության ներկայացուցիչներին:
Այս ծրագիրը, նշել է The Washington Post-ը, կգործարկվի արդեն այս ամսին: Սակայն ԿՀՎ-ի մամուլի քարտուղար Դին Բոյդը հրաժարվել է այս մասին մեկնաբանություններից՝ ասելով, որ «վերջնական որոշումներ տակավին չեն ընդունվել վարչությունում իրականացվող բարենորոգումների կապակցությամբ», հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
