Լոս Անջելեսում առաջարկում են Հոլիվուդ Բուլվար-Վեսթերն Ավենյու խաչմերուկն անվանել «Հայոց ցեղասպանության հիշատակի հրապարակ»
Սփյուռք
ԱՄՆ Լոս Անջելես քաղաքի խորհրդի անդամ Միթչ Օ' Ֆարելը միջնորդություն է ներկայացրել Հոլիվուդ Բուլվար-Վեսթերն Ավենյու փողոցների խաչմերուկը «Հայոց ցեղասպանության հիշատակի հրապարակ» անվանելու մասին:
Ինչպես հաղորդում է «Արմենպրես»-ըˋ վկայակոչելով Masis Post-ը, միջնորդությունը նաև առաջարկում է Լոս Անջելեսի տրանսպորտի վարչությանը հիշատակի մշտական նշաններ տեղադրել խաչմերուկի շրջակայքում: Փաստաթուղթը քաղաքային խորհրդում քվեարկության կդրվի առաջիկա շաբաթներին:
«Լոս Անջելես քաղաքը միշտ եղել է հայկական ամենամեծ համայնքներից մեկի տունը: Հայկական մեծ սփյուռքը գլխավորապես կապված է 1915 թվականին Օսմնայան Թուրքիայի կազմակերպած Հայոց ցեղասպանության հետ, որի որին 1.5 մլն հայ է զոհ գնացել և շատ ավելի շատերը բռնի տեղահանվել են իրենց պապենական հայրենիքից: Հարյուր տարի անց Օսմանյան կայսրության իրավահաջորդ Թուրքիայի կառավարությունը շարունակում է չճանաչել այս պատմական փաստը: Լոս Անջելեսի հայկական համայնքը անդադրում աշխատում է Թուրքիայի և աշխարհի մյուս կառավարությունների կողմից ճանաչման հասնելու համարˋ որպեսզի բարձրացնի իրազեկվածությունը մարդկության դեմ իրագործված այս հրեշավոր հանցագործություների մասին»,- ասվում է միջնորդության մեջ:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
