Գեղարքունիքի մարզպետը կարևորել է «Շեն»-ի ծրագրերի համակարգումը

Գեղարքունիքի մարզպետ Ռաֆիկ Գրիգորյանը հերթական աշխատանքային այցով եղավ Վարդենիս քաղաքում: «Արմենպրես»-ի տեղեկացմամբ՝ մարզպետը կատարեց քաղաքացիների ընդունելություն, ապա Վարդենիւսի քաղաքապետ Վոլոդյա Խլոյանի, Շատվանի գյուղապետ Լյովա Աբրահամյանի, «Շեն» բարեգործական հասարակ ական կազմակերպության Գեղարքունիքի մարզի համակրգող Լյուբա Մանուկյանի հետ քննարկեց համայնքներում կենսական կարեւոր նշանակության մի շարք հարցեր:

Ռաֆիկ Գրիգորյանը հավաստիացրեց, որ պահանջարկի դեպքում ՀՀ կառավարությունն անսահմանափակ քանակի սուբսիդավորված դիզվառելիք, պարարտանյութեր եւ սերմացու է հատկացնում գյուղացիական տնտեսություններին, եւ շատ կարեւոր է, որ համայնքները, օգտվելով տրված հնարավորություններից, կազմ ու պատրաստ լինեն գարնանացանին, որը մարզում սկսվում է ապրիլի կեսերից:

Անդրադառնալով մարզում «Շեն» կազմակերպության կողմից իրականացվող սոցիալ-տնտեսական զարգացման ծրագրերի իրականացման հետագա ընթացքին՝ Ռաֆիկ Գրիգորյանը նշեց, որ Գեղարքունիքի մարզպետարանն այսուհետ էլ պատրաստ է համագործակցության, բայց ցանկալի է ծրագրերը սկսելուց առաջ կազմակերպել համատեղ քննարկումներ, որպեսզի ներդրված յուրաքանչյուր գումար ծառայի բուն նպատակին, ապահովվի ծրագրի իրականացման որակական կողմը, ճիշտ հաշվարկվեն հետծրագրային գործունեության ապահովման հնարավորությունները, արդյունավետությունը: «Կարծում < b>եմ, որ փոխհամագործակցված աշխատանքը շահավետ կլինի երկուստեք, ինչի արդյունքում ներդրված զարգացման ծրագրերը կլինինեն արդյունավետ ու կծառայեն բնակիչների կարիքներին»,-նշեց մարզպետը:

Քաղաքացիները մարզպետին դիմեցին աշխատանքի տեղավորման եւ դրամական օգնության խնդրանքներով, որոնք մարզպետի կողմից բավարարվեցին տեղում:

Խոսրով Խլղաթյան