Apple-ը պատրաստվում է գործարկել սեփական հեռուստատեսային առցանց-ծառայությունը. The Financial Times

Միացյալ Նահանգների Apple կորպորացիան պլանավորում է սեփական հեռուստատեսային առցանց-ծառայությունը գործարկել 2015 թվականի աշնանը, հաղորդում է «Արմենպրես»-ը՝ հղում անելով The Financial Times-ին: Ներկաոում ընկերությունը բանակցություններ է վարում Fox և ABC հեռուստատեսային ցանցերի հետ սթրիմինգ-ծառայության գործարկման համար, ուր սպառողները մուտք գործելու հնարավորություն կարող են ստանալ բաժանորդային վճարի դիմաց, նշում են հրատարակության աղբյուրները: фото

Պլանավորվում է, որ Apple-ի հեռուստատեսային ծառայությունը հնարավորություն կընձեռի շուրջ 25 ալիք դիտել այնպիսի սարքերի տերերին, ինչպիսիք են iPhone-ը, iPad-ը, Apple TV հեռուստատեսային կցուրդները, հավելել է The Wall Street Journal-ը:

Հրատարակության տվյալներով՝ ծառայությունը կներկայացվի հունիսին, իսկ դրա գործարկումը կկայանա այս տարվա սեպտեմբերին: Ըստ WSJ-ի հարցման՝ մեդիա շուկայի մասնակիցները ենթադրում են, որ ծառայության դիմաց բաժանորդային վճարը կարող է կազմել ամսական 30-40 դոլար:

Ինչպես նշում է ՏԱՍՍ-ը, ներկայումս լայնէկրան հեռուստացույցների և պլազմային պանելների համար Apple TV-ի թվային մուլտիմեդիական կցուրդը մուտք է տրամադրում այնպիսի ալիքներ, ինչպիսիք են Netflix-ը, YouTube-ը, CNBC-ղը և Sky News-ը:

Ավելի վաղ Apple-ը համաձայնագիր է կնքել HBO-ի հետ, որպեսզի սպառողը Apple TV-ի միջոցով հնարավորություն ունենա օգտվելու ամերիկյան կաբելային հեռուստաալիքի ստրիմինգային ծառայությունից: Կորպորացիան նաև կցուրդների արժեքն 99 դոլարից իջեցրել է մինչև 69 դոլար: