Իսրայելը գաղտնալսել է Իրանի միջուկային ծրագրի շուրջ բանակցությունները. Wall Street Journal

Իսրայելը գաղտնալսել է պատժամիջոցների մեղմացման դիմաց` Իրանի միջուկային ծրագրի սահմանափակման շուրջ բանակցությունները, որոնց մասնակցել են ԱՄՆ-ի, Ռուսաստանի, Չինաստանի, Գերմանիայի, Ֆրանսիայի և Մեծ Բրիտանիայի ներկայացուցիչները: Այս մասին հայտնել է Wall Street Journal-ը:

Սպիտակ տանը վստահ են, որ գաղտնալսումը կազմակերպվել է Իսրայելի վարչապետ Բենիամին Նեթանյահուի կառավարության կողմից, որպեսզի տեղեկություններ ստանա այդ բանակցությունների մասին, իսկ հետո օգնի հանդես գալ նշված պայմանավորվածության պայմանների դեմ:

Նշվում է, որ բացի տեղեկություն ստանալուց` Իսրայելը ԱՄՆ-ի գաղտնի ճեպազրույցների տվյալներ է ստացել Եվրոպայում դիվանագիտական աղբյուրների տեղեկատուներից:

Սպիտակ տանը, իմանալով կատարվածի մասին, զայրացել են մասնավորապես նրանից, որ Իսրայելը փակ տեղեկությամբ կիսվել է ԱՄՆ Կոնգրեսի անդամների հետ, որպեսզի ուժեղացնի Թեհրանի միջուկային ծրագրի վերաբերյալ համաձայնագրին օրենսդիրներին հակադրությունը: