Գլենդելի հայ աշակերտները հարյուր անմոռուկ են տնկել
Սփյուռք
Հայոց ցեղասպանության 100-րդ տարելիցին ընդառաջ Գլենդելի Վահան և Անուշ Չամլյան հայկական դպրոցի ութերորդ և առաջին դասարանի աշակերտները պարտեզում տնկել են հարյուր անմոռուկ:
Ինչպես հաղորդում է «Արմենպրես»-ը, այս մասին տեղեկացնում է glendalenewspress.com-ը:
Աշակերտական խորհրդի նախագահ 13-ամյա Արա Յակուբյանը նշել է, որ ութերորդ դասարանցիները ցանկություն են ունեցել առաջին դասարանցիներին ներգրավել այս աշխատանքներում, որպեսզի վերջիններս ժամանակի ընթացքում հետևեն, թե ինչպես են աճում ծաղիկները:
Չամլյան դպրոցի ութերորդ դասարանցիները նախատեսում են նաև առաջիկա շաբաթ այցելել Հայաստան: Իր հայրենիք միայն փոքր տարիքում այցելած Յակուբյանը նշել է, որ Հայաստան գալը խորհրդանշական կլինի Ցեղասպանության զոհերի հիշատակը ոգեկոչելու տեսանկյունից: «Այցելությունը մեր մեջ հպարտության մեծ զգացողություն է առաջացնում' ցույց տալով, որ մենք այդ ամենի մի մասն ենք»,- նշել է նա:
Դպրոցի տնօրեն Թալին Կարգոդորյանը, ով ևս մասնակցել է ծաղկատունկին, նշել է, որ այդպիսով իրենք ցանկանում են իրենց աշակերտներին քաջալերել' հարգելու սեփական անցյալը: «Միևնույն ժամանակ մենք ի դեմս իրենց պատրաստում ենք հասարակության համար պատասխանատու և ակտիվ անդամների»,- նշել է դպրոցի տնօրենը:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
