Իրանական շուկայի բացումը բազմամիլիարդանոց պարտավորագրեր է խոստանում Ռուսաստանին. Deutsche Welle

Վերաբացվող իրանական շուկայում Ռուսաստանի ամենալուրջ մրցակիցը կլինի Չինաստանը, սակայն մի շարք բնագավառներում Մոսկվան կարող է գերակա դիրքեր ակնկալել: Այդ մասին, ինչպես տեղեկացնում է «Արմենպրես»-ը, նշել է Deutsche Welle-ն, որը վերլուծաբանների շրջանում հարցում է անցկացրել ռուս-իրանական տնտեսական համագործակցության հեռանկարների շուրջ:

«Իրանական միջուկային ծրագրի վերաբերյալ համաձայնագրում, որը Թեհրանի կողմից ուրանի հարստացման հզորությունների զգալի կրճատում է նախատեսում ԱՄՆ-ի և ԵՄ-ի պատժամիջոցների վերացման դիմաց, դեռ շատ անորոշ բաներ կան…: Սակայն, չնայած անորոշությանը, Ռուսաստանի ընկերություններն արդեն սկսել են հող շոշափել Իրանի հետ հնարավոր համագործակցության համար՝ պատժամիջոցների չեղարկման դեպքում»,- հաղորդել է DW-ն:

«Իրանի հետ համատեղ նախագծեր են պատրաստ իրականացնել ռուսաստանյան ավտոարտադրողները, ավիաինդուստրիան և նավաշինարարները: ԱվտոՎԱԶ-ը ԳԱԶ-ը և ԿամԱԶ-ն արդեն բանակցություններ են վարում երկրում ավտոմեքենաների հավաքման արտադրություն կազմակերպելու համար: ԼՈՒԿՕՅԼ նավթընկերությունը նույնպես պատրաստվում է վերսկսել Թեհրանի հետ համագործակցությունը:

Էկոնոմիայի բարձրագույն դպրոցի պրոֆեսոր Ալեքսեյ Պորտանսկու խոսքով՝ ռուս-իրանական համագործակցության առավել հեռանկարային բնագավառներն են՝ մետալուրգիան, ավիա-և մեքենաշինությունը, գյուղատնտեսությունը և էներգետիկան: Իրանին պողպատաձուլական արդյունաբերության մատակարարումները, նրա տվյալների համաձայն, կարող են աճել 60-70 տոկոսով. բացի այդ, գործունեության մեծ դաշտ է բացվում նաև Ռուսաստանի երկաթուղու համար:

Աբու Դաբիի Delma Institute-ի՝ Ռուսաստանի և Մերձավոր արևելքի հարցերով վերլուծաբան Յուրի Բարմինը պնդում է, որ «առաջիկա տարիներին «Ռոսատոմը» միանշանակ խոշորագույն խաղորդը կմնա իրանական շուկայի օտարերկրյա ատոմային ընկերությունների թվում»: Նախևառաջ դա «Բուշեր» ատոմային էլեկտրակայանի երկրորդ հերթի կառուցման պարտավորագրի իրացման շարունակումն է, հաղորդել է ՌԻԱ «Նովոստին»:

Լուսանկարը' AP