Նիգերիայում իսլամիստները մեկ տարում առնվազն 2 հազար կանանց են առևանգել. Аmnesty International
Համաշխարհային Մամուլ
2014 թվականի սկզբից ի վեր «Բոկո հարամ» իսլամիստական խմբավորումն առնվազն 2 հազար կանանց ու աղջիկների է առևանգել Նիգերիայում: Այդ մասին, ինչպես տեղեկացնում է «Արմենպրես»-ը, ապրիլի 14-ին հաղորդել է Аmnesty International իրավապաշտպան կազմակերպությունը:
Զեկույցում, որը կազմակերպության կողմից պատրաստվել է իսլամիստների կողմից 219 դպրոցական աղջկա՝ աշխարհում լայն արձագանք գտած առևանգման տարեդարձի կապակցությամբ, նշվում է, որ գործնականում «դժվար է գնահատել, թե ընդամենը քանի մարդ է առևանգված»:
2014 թվականի ապրիլի 14-ին «Բոկո Հարամը» հարձակում է կատարել Նիգերիայի Չիբոկե քաղաքի վրա և առևանգել 219 աշակերտուհու: Մայիսին խմբավորման կողմից տարածված տեսահոլովակում ցուցադրվել էին նրանցից շուրջ հարյուրը՝ մուսուլմանուհիների հագուստով և Ղուրան ընթերցելիս: Դրանից հետո աղջիկների ճակատագրի մասին ոչինչ հայտնի չէ:
«Բոկո Հարամը» նիգերիական արմատական իսլամիստական ահաբեկչական կազմակերպություն է: Նրա գլխավոր նպատակը Նիգերիայի ամբողջ տարածքում շարիաթի հաստատումն է և արևմտյան կենսակերպն արմատախիլ անելը:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
