ԲՀԿ-ն ՓՄՁ ներկայացուցիչներին խոստացել է հետևողական լինել նրանց խնդիրների կարգավորման հարցում

Ազգային ժողովի ԲՀԿ խմբակցության պատգամավորները հանդիպել են փոքր և միջին ձեռնարկությունների մի շարք ներկայացուցիչների հետ:

ՓՄՁ ներկայացուցիչները դիմել էին ԲՀԿ խմբակցությանը' ապրանքների դրոշմապիտակավորման գործընթացում առաջացած մի շարք վարչարարական խնդիրների հետ կապված: ՓՄՁ ներկայացուցիչների բարձրացրած խնդիրներն առնչվում են փոքր և միջին ձեռնարկատիրությամբ զբաղվող մեծաթիվ սուբյեկտների շրջանակի:

Ստեղծված իրավիճակը լրջորեն խաթարում է ՓՄՁ-ների բնականոն գործունեությունը: Քննարկման արդյունքում որոշվել է խնդիրն ուղղել պատկան մարմիններին' միաժամանակ առաջարկելով ստեղծված իրավիճակի լուծման ուղիներ:

ԲՀԿ-ն ՓՄՁ ներկայացուցիչներին վստահեցրել է, որ շարունակելու է հետևողական լինել ՓՄՁ ոլորտին առնչվող խնդիրների լուծման հարցում: