Հրապարակվել է Հայոց ցեղասպանության թեմայով ծաղրանկար. The New York Times

Ամերիկյան հեղինակավոր The New York Times պարբերականի էլեկտրոնային կայքում հրապարակվել է Հայոց ցեղասպանությունը ներկայացնող ծաղրանկար: Ծաղրանկարի հեղինակը Պատրիկ Չափաթեն է:

Լուսանկարում երևում է, թե ինչպես 1915 թվականին Օսմանյան կայսրությունում հայերի հոծ զանգվածները բարձրանում են գնացքները, իսկ թուրք զինվորականը նրանց հայտնում է. «Մի անհանգստացեք, «ցեղասպանություն» բառ գոյություն չունի»:

Մակագրելով նկարը՝ հեղինակը գրել է. «Հարյուր տարի շարունակ սպանությունների վերաբերյալ բանավեճը շարունակվում է»:

Ծաղրանկարը կայքից արտատպվելու է ամերիկյան պարբերականի ապրիլի 16-ի համարում: