Իսլամիստները հրապարակային դատաստան են տեսել 24 իրաքցու նկատմամբ. ԶԼՄ-ներ

«Իսլամական պետության» գրոհայինները հրապարակային դատաստան են տեսել Իրաքի 24 քաղաքացու նկատմամբ Քիրքուք նահանգում: Այս մասին երկուշաբթի հայտնում է իրանական Press-TV հեռուստաալիքը:

«Հանցագործությունն իրագործվել է Զաբ շրջանում` Քիրքուք քաղաքից`  համանուն նահանգի մայրաքաղաքից 95 կմ հեռու,- հայտնում է հեռուստաալիքը:- Բոլոր սպանված տղամարդկանց ծայրահեղականներն ավելի վաղ գերի են վերցրել: Զոհերից շատերը շրջանի համայնքային խորհրդի ծառայողներ են եղել»: