Հալեպի հայկական եկեղեցում ուղիղ եթերով կցուցադրվի Ցեղասպանության նահատակների սրբադասման արարողակարգը
Սփյուռք
Հալեպի Սուրբ Աստվածածին եկեղեցում ապրիլի 23-ին ուղիղ եթերով կցուցադրվի Հայոց Ցեղասպանության նահատակների սրբադասման արարողակարգը, որ տեղի կունենա Մայր Աթոռ Սուրբ Էջմիածնում: Այս մասին տեղեկանում ենք Հայոց Ցեղասպանության 100-ամյա տարելից Սիրիայի կենտրոնական մարմնի պաշտոնական էջից: Ապրիլի 24-ին Հալեպի Սուրբ Աստվածածաին, Սուրբ Երրորդություն առաքելական եկեղեցիներում, ինչպես նաև Հայ Ավետարանական Բեթել եկեղեցում պատարագ կմատուցվի: Կեսօրից հետո «Գ. Եսայան» սրահում տեղի կունենա ոգեկոչման միջհամայնքային և միութենական կենտրոնական հանդիսությունը:
Աղբյուրը նաև տեղեկացնում է, որ Բեթել եկեղեցու մերձակայքում գտնվող թաղամասում ապրիլի 24-ին տեղի կունենա վերանվանման արարողակարգ և փողոցը կկոչվի Ահարոն Շեաջյանի անունով: Արարողությունը տեղի կունենա Հալեպի նահանագապետի, ԲԱԱՍ կուսակցության ղեկավարի գլխավորությամբ, որին կմասնակցեն պետական այրեր ու հայկական ավագանու անդամներ:
Ավելի վաղ՝ ապրիլի 17-ին, Հալեպում տեղի է ուեցել «Սիրիահայ երիտասարդը 100-ամյա տարելիցին ընդառաջ» խորագրով խորհրդաժողով, որին մի շարք հայկական միությունների ներկայացուցիչներ:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
