Միջերկրական ծովը հատած ներգաղթյալների մեծ մասը կուղարկվի իրենց հայրենիք
Համաշխարհային Մամուլ
Այսօր ԵՄ-ում միգրացիայի հարցերով գագաթաժողովի ժամանակ եվրոպացի ղեկավարները պայմանավորվել են, որ Միջերկրական ծովը հատած ներգաղթյալների մեծ մասը կուղարկվի իրենց հայրենիք, գրում է The Guardian-ը` հղում անելով համատեղ հայտարարության սևագրին:
Թերթի տվյալով` Բրյուսելում հանդիպման ժամանակ պայմանավորվածություն է ձեռք բերվելու, որ միայն 5 հազար փախստականի կթույլատրվի բնակվել Եվրոպայում, այն դեպքում, երբ առնվազն 150 հազար ներգաղթյալ ամենայն հավանականությամբ կվերադարձվեն իրենց հայրենիք: Պարբերականը հիշեցնում է, որ խոսքը նրանց մասին է, ովքեր հասել են Իտալիայի ափերը: Այս տարի Իտալիայի, Մալթայի և Հունաստանի ափեր է հասել ավելի քան 36 հազար փախստական:
Ավելի վաղ հաղորդվում էր, որ ԵՄ-ն պատրաստ է ուժեղացնել Միջերկրական ծովում անօրինական ներգաղթյալների որոնման ու փրկության գործողությունները, որոնք Աֆրիկայից փորձում են հասնել Եվրոպա:
Հաղորդվում էր նաև, Եվրահանձնաժողովը Եվրամիության ԱԳՆ ղեկավարներին ներկայացրել է միգրացիայի խնդրի լուծման պլան:
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
