«Իտալիայում 18 ձերբակալվածների կասկածում են Վատիկանի վրա հարձակում նախապատրաստելու մեջ». Reuters

«Ալ Քաիդա» ահաբեկչական կազմակերպության հետ կապերի կասկածանքով Իտալիայում ձերբակալված 18 անձինք կարող Էին հարձակում նախապատրաստել Վատիկանի վրա: Այդ մասին, ինչպես տեղեկացնում Է «Արմենպրես»-ը, ապրիլի 24-ին հաղորդել Է Reuters-ը:

Ավելի վաղ հաղորդվել Է, որ ձերբակալվածներից մի քանիսն անմիջականորեն կապված են կազմակերպության նախկին պարագլուխ Ուսամա բեն Լադենի հետ: Մասնավորապես, նրանցից երկուսը եղել են նախկին «թիվ մեկ ահաբեկչի» պահպանության խմբում, որը 2011 թվականի մայիսի 2-ին Պակիստանի Աբոտաբատ քաղաքում սպանվել Է ԱՄՆ-ի հատուկ ծառայությունների գործողության արդյունքում:

Իտալիայում ձերբակալվածներից ոմանք, ըստ հետաքննության վարկածի, զբաղվում Էին Պակիստանում ահաբեկչական գործողությունների կազմակերպմամբ, ներառյալ 2009 թվականի հոկտեմբերին Փեշավարի շուկայում իրականացված պայթյունը, երբ զոհվեց ավելի քան 100 մարդ:

Ինչպես նշում Է ՏԱՍՍ-ը, ահաբեկիչները, որոնց հենակետը գտնվում Էր Սարդինիա կղզում՝ Օլբիայում, Իտալիա են կեղծ փաստաթղթերով: