Սիրիահայերը հարգել են Հայոց ցեղասպանության զոհերի հիշատակը

Չնայած Սիրիայում տիրող բարդ իրավիճակին` հայ համայնքն ասում է, որ իրենց ոչինչ չի ստիպի մոռանալ 100 տարի առաջ հայերի հանդեպ իրականացված ցեղասպանությունը: Այս մասին հայտնում է spyghana.com-ը:

«Մենք չենք մոռանա»` արաբերենով և հայերենով գրված է եղել հարյուրավոր հայերի ձեռքի փոքր պաստառների վրա, ովքեր մասնակցել են ուրբաթ օրը Բաբ Շարքի թաղամասի եկեղեցիներից մեկում աղոթքին:

Սիրիայի հայ համայնքը մոմավառությամբ և աղոթքով ոգեկոչել է Օսմանյան կայսրությունում հայերի կոտորածը և տեղահանումը: