Առաջիկա տասնամյակներին ԳՖՀ-ի բնակչությունը կկրճատվի առնվազն 8 միլիոնով. Destatis

Գերմանիայի բնակչությունը, որն այսօրվա դրությամբ կազմում Է շուրջ 81 միլիոն մարդ, առաջիկա հինգից յոթ տարվա ընթացքում կավելանա, իսկ այնուհետև աստիճանաբար կսկսի նվազել և մինչև 2060 թվականը երկիրը կունենա 68-ից մինչև 73 միլիոն քաղաքացի: Այդ մասին, ինչպես տեղեկացնում Է «Արմենպրես»-ը, հայտարարել Է ԳՖՀ-ի Destatis դաշնայ ին վիճակագրական գերատեսչության նախագահ Ռոդերիխ Էգելերը:

Նրա խոսքով՝ 2011 թվականից մինչև 2013 թվականը Գերմանիայի բնակչությունն աճել Է: 2003 և 2010 թվականների միջև ընկած ժամանակաշրջանում բնակչության թվաքանակի նվազումը դադարել Էր 2011 թվականից ներգաղթյալների ներհոսքով:

«Բնակչության թվաքանակը 2013 թվականի 80,8 միլիոնից, կախված միգրացիայի ընդհանուր մակարդակից, ենթադրաբար, կաճի ևս 5-7 տարի, իսկ այնուհետև կսկսի նվազել:

«Ենթադրվում Է, որ այն 2013 թվականի մակարդակից կիջնի ամենաշուտը 2023 թվականին: 2060 թվականին բնակչության թիվը մինչև 67,6 միլիոն կնվազի միգրացիայի ցածր մակարդակի դեպքում և մինչև 73,1 միլիոն՝ ակտիվ ներգաղթի դեպքում»,- լրագրողներին ասել Է Էգելերը Բեռլինում, որտեղ ապրիլի 28-ին վիճակագրական գերատեսչությունը ներկայացրել Է ԳՖՀ-ի բնակչության թվաքանակի կանխատեսման՝ թվով 13-րդ հետազոտության արդյունքները: Ուսումնասիրությունը ցույց Է տալիս մինչև 2060 թվականը Գերմանիայի բնակչության ենթադրվող զարգացումը:

Ինչպես հայտնել Է Էգելերը, Գերմանիայի բնակչության թվաքանակը կրճատվում Է այն պատճառով, որ մահացությունը մշտապես մեծ չափով գերազանցում Է ծնելիությանը:

«Միգրացիոն աճը չի կարող երկար ժամանակով լրացնել այդ տարբերությունը»,-ասել Է նա: Դրա հետ մեկտեղ վերջին տարիների ընթացքում Գերմանիայում յուրաքանչյուր կնոջը միջին հաշվով բաժին Է ընկնում 1,4 ծնված երեխա. այդ մոտավոր հարաբերակցությունը շատ ցածր Է:

«Ծնելիության ավելի բարձր մակարդակը՝ մեկ կնոջ հաշվով՝ 1,6 երեխա, կդանդաղեցներ այդ միտումը, բայց այն չԷր կանգնեցնի: Մահացածների թիվը, ընդհակառակը, կավելանա»,-ասել Է նա:-Նրա խոսքով՝ ծնելիության դեֆիցիտը 2013 թվականին ամենաբարձր ցուցանիշին Է հասել հետպատերազմյան տարիների ընթացքում՝ 212 հազար մարդ:

«Մինչև 2050-ական թվականներն այդ թիվը շարունակաբար կմեծանա և կհասնի 500 հազարի»,-ասել Է Էգելերը: Իսկ 2060 թվականին, գերատեսչության հաշվարկների համաձայն, ենթադրվում Է, որ մահացությունը 500 հազարով կգերազանցի ծնելիությանը:

«Այսպիսով, ծնելիության դեֆիցիտը երկարաժամկետ հեռանկարում կգերազանցի ներգաղթին, որը 90-ական թվականների կեսերին և 2010-ական թվականների սկզբին տարեկան կազմում Էր շուրջ 186 հազար»,-նշել Է նա:

Գերմանիային նաև սպասում Է աշխատունակ բնակչության թվի շարունակական նվազում, ասել Է Էգելերը:

«20-ից մինչև 64 տարեկան աշխատունակ բնակչությունն արդեն 2035 թվականին ներկայիս 49 միլիոնից կկրճատվի մինչև41-43 միլիոն և այնուհետև մինչև 2060 թվականը կնվազի՝ հասնելով 34-38 միլիոնի»,-ասել Է Էգելերը: Նրա խոսքով՝ 65-ից բարձր տարիքի մարդկանց թվաքանակը մշտապես կավելանա մինչև 2037 թվականը:

«2037 թվականից հետո և մինչև 2060 թվականն այս խմբի թվաքանակը, չնայած ընդհանուր առմամբ բնակչության նվազող թվաքանակին, գրեթե անփոփոխ կմնա»,-ասել Է նա: Այսպիսով, եթե այժմ Գերմանիայում յուրաքանչյուր հինգերորդ քաղաքացին 65 և ավելի բարձր տարիքի Է, ապա 2060 թվականին 65 և ավելի բարձր տարիքի կլինի յուրաքանչյուր երրորդ բնակիչը, հաղորդել Է ՌԻԱ Նովոստին: