Ատոմակայանի շահագործման ժամկետի երկարաձգումը կիրականացվի վարկային միջոցների և դրամաշնորհների հաշվին
Տնտեսություն
Հայկական ատոմակայանի 2-րդ էներգաբլոկի շահագործման ժամկետի երկարաձգման աշխատանքների իրականացման համար կներգրավվեն 270 միլիոն դոլարի վարկային միջոցներ, որը տրամադրելու է Ռուսաստանը: Այս մասին Ազգային ժողովում Հայկական ատոմակայանի 2-րդ էներգաբլոկի շահագործման ժամկետը երկարաձգելու հարցի քննարկման ընթացքում հայտնեց ՀՀ էներգետիկայի և բնական պաշարների նախարարի տեղակալ Արեգ Գալստյանը:
«Նախնական հաշվարկներով' երկարաձգման աշխատանքների իրականացման համար մեզ անհրաժեշտ են 270 միլիոն դոլարի վարկային միջոցներ: Ավելի ուշ մենք խորհրդարանում կքննարկենք նաև Ռուսաստանի հետ վարկային համաձայնագիրը: Բացի այդ, մոտ 30 միլիոն դոլարի չափով էլ դրամաշնորհ կտրամադրվի, որի մի մասը տալու է ռուսական կողմը»,- ասաց փոխնախարարը՝ հավելելով, որ ռուսական «Ռուսատոմ» ընկերության աշխատակիցներն այս պահին հայկական ատոմակայանի տարածքում նախապատրաստական աշխատանքներ են իրականացնում, և հենց կյանքի կոչվի վարկային համաձայնագիրը, աշխատանքները կսկվեն:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
