Լոս Անջելեսի պաշտոնյաները նամակ կհղեն Օբամային՝ միջնորդելու Թուրքիայի կողմից Ցեղասպանության ճանաչմանը. LA Daily News
Համաշխարհային Մամուլ
Լոս Անջելեսի վարչական խորհուրդը երեքշաբթի քվեարկել է նախագահ Բարաք Օբամային նամակ ուղարկելու օգտին` խնդրելով նրան միջնորդել թուրքական կառավարությանը ճանաչել 1915 թվականի Հայոց ցեղասպանությունը: Այս մասին հայտնել է dailynews-ը:
Շրջանային կառավարիչ Մայքլ Անտոնովիչը կշտամբել է «թուրքական կառավարությանը Ցեղասպանության շարունակական ժխտման համար»:
Անցնելով «1.5 միլիոն զոհերի հիշատակին հարգանքի տուրք մատուցելուն»` Անտոնովիչն իր գործընկերներին ասել է, որ 23 պետություն և Հռոմի պապ Ֆրանցիսկոսը հայտարարել են, որ դա ցեղասպանություն է… «Ժամանակն է, որ մենք նույնպես այն կոչենք ցեղասպանություն»:
Ներկա հայ քահանան ասել է, որ «Ցեղասպանության ութերորդ և եզրափակիչ փուլը մերժումն է»:
Հիշելով Հոլոքոստը և վկայակոչելով մյուս ցեղասպանությունները Կամբոջայում, Ռուանդայում, Դարֆուրում և «այսօր Սիրիայի անապատում»՝ կրոնական առաջնորդը խորհրդին ասել է. «Եվ մենք դեռևս ասում ենք` «այլևս երբեք»»:
Լոս Անջելեսն Ամերիկայում հայ բնակչության ամենամեծ օրրանն է, ԱՄՆ-ում անցկացված վերջին մարդահամարի տվյալներով՝ այնտեղ ապրում է ավելի քան 183 հազար հայ:
ՈՒՂԻՂ ԵԹԵՐ
Ամենադիտված 
Դերասանուհու որդին հիվանդանոցում մահացել է. որն էր եղել վեճի բուն պատճառը, ինչու էին կրակել նրան
