Ուկրաինային սոցիալական պայթյուն է սպառնում. L’Humanité

Ուկրաինայում շուտով կարող է սոցիալական պայթյուն տեղի ունենալ, գրում է ֆրանսիական L’Humanité թերթը:

Պարբերականը գրում է, որ երկրի բնակչությունն այնքան ծանր տնտեսական վիճակում է, որ մահվան ռիսկի է ենթակա:

«Երբ դուք գիտեք, որ միջին զամբյուղը պետք է բարձրանա մոտավորապես մինչև 200 գրիվեն շաբաթական, մարդիկ այլևս չեն կարողանա դիմակայել գների մշտական բարձրացումներին: Աշխատավարձերը երբեք չեն բարձրացել: Ուստի սև շուկան և ստվերային տնտեսությունն աճում են»,- թերթը մեջբերում է Խարկովի համալսարանի դասախոս Գեորգի Միլյուխիի խոսքերը:

Պարբերականը նշում է, որ հիմա Ուկրաինայում միջին աշխատավարձը մոտավորապես 2000 գրիվեն է, թոշակը` 1200 գրիվեն:

Կատարելիք միջոցառումները, որոնք պահանջել է վարկատուների «եռյակը» (Եվրոպական կենտրոնական բանկը, ԱՄՀ-ն և ԵՄ-ն) 17,5 մլրդ դոլարի օգնության տրամադրման դիմաց, նույնպիսին են, ինչպիսիք Հունաստանի և Իսպանիայի համար են՝ պետական բյուջեի կրճատում, պետական ծառայողների աշխատավարձերի կրճատում, գազի գնի բարձրացում (3 անգամ), որը մինչև հիմա սուբսիդավորվում է:

«Այդ միջոցառումները կարող են ոչնչացնել որոշ տնային տնտեսությունների գնողունակության մինչև 90%-ը: Մենք շարժվում ենք դեպի սոցիալական պայթյուն»,- թերթը մեջբերում է կոմունիստ Եվգենի Ցարկովի խոսքերը: