Կիմ Չեն Ընը թունավորել է իր հարազատ հորաքրոջը. CNN
Համաշխարհային Մամուլ
Հյուսիսկորեացի առաջնորդ Կիմ Չեն Ընը նախորդ տարի հրամայել է թունավորել իր հարազատ հորաքրոջը: Այդ մասին հայտնել է CNN-ը` հղում անելով Հյուսիսային Կորեայից փախուստի դիմած բնակչի:
Նրա խոսքով՝ Կիմ Չեն Ընը հրամայել է սպանել իր բարեկամուհուն՝ Կիմ Հեն Հիին, 2014թ. մայիսին, մի քանի ամիս անց այն բանից հետո, երբ նա հրամայել էր մահապատժի ենթարկել նրա ամուսնուն:
«Կիմ Հեն Հին շատ էր բարկացել ամուսնու մահից հետո: Նա անհետացել էր տեսադաշտից: Թիկնապահները շրջապատել էին նրա տունը, և նա ամիսներով նստում էր այնտեղ՝ արտահայտելով իր բարկությունը»,- նշում է աղբյուրը:
Այլ լուրերի համաձայն՝ կինը գտնվում է կոմայի մեջ գլխուղեղի ուռուցքի հեռացումից հետո: Ըստ մեկ այլ վարկածի՝ նա մահացել է կաթվածից: Հարավկորեական լրատվամիջոցներն առաջ էին քաշում նաև ինքնասպանության վարկածը:
Պաշտոնապես Կիմ Հեն Հիի մահվան մասին չի հայտարարվել, սակայն հեռացվել են բոլոր նյութերը, որոնցում նա հիշատակվում է:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
