ԵԱՏՄ-ի անդամ երկրները դեղորայքի և բժշկական տեխնիկայի ընդհանուր շուկա են ստեղծելու

Եվրասիական տնտեսական միության (ԵԱՏՄ) անդամ երկրները մտադիր են ստեղծել դեղորայքի և բժշկական տեխնիկայի ընդհանուր շուկա և շարունակել ընթացքը դեպի միասնական էներգետիկական շուկա: Այդ մասին, ինչպես տեղեկացնում է «Արմենպրես»-ը, ասված է ՌԴ նախարարների կաբինետի գործունեության հիմնական ուղղությունների վերաբերյալ նյութերում, որոնք հրապարակվել են ՌԴ-ի կառավարության կայքում:

«ԵԱՏՄ-ի արդյունավետ գործունեության համար կշարունակվի մակրոտնտեսության բնագավառում և այնպիսի հանգուցային հատվածներում համաձայնեցված և համակարգված քաղաքականություն վարելու աշխատանքը, ինչպիսիք են տրանսպորտը, էներգետիկան, արդյունաբերությունը և գյուղատնտեսությունը: Կստեղծվի դեղորայքի և բժշկական տեխնիկայի ընդհանուր շուկա, պլանավորվում է ֆինանսական շուկաների ոլորտի փուլ առ փուլ ներդաշնակացում՝ վերազգային ֆինանսական կարգավորիչի ստեղծմամբ, կշարունակվի ընթացքը դեպի միասնական էենրգետիկական շուկա (նավթի և նավթամթերքի, գազի, էլեկտրաէներգիայի միասնական շուկաներ)»,- ասված է փաստաթղթում, հաղորդել է ՌԻԱ Նովոստին: