«Իսլամական պետությունը» ամրապնդել է իր դիրքերը Լիբիայում. ԶԼՄ-ներ
Համաշխարհային Մամուլ
Վերջին ամիսների ընթացքում «Իսլամական պետություն» ահաբեկչական խմբավորումն ամրապնդել է դիրքերը Լիբիայում` ստանալով Սիրիայի տարածքը վերահսկող ԻՊ-ի ֆինանսական և կենդանի ուժի աջակցությունը: Այդ մասին ասված է The Wall Street Journal պարբերականում լույս տեսած հոդվածում:
«ԻՊ-ն այժմ Լիբիայում օպերատիվ ներկայություն ունի, և նրանք մտադիր են Լիբիան վերածել իրենց աֆրիկյան կենտրոնի: Լիբիան արդեն ԻՊ-ի գործողությունների տարածքն է»,- պարբերականին ասել է Պենտագոնի աղբյուրը:
Նրա խոսքով` ԻՊ-ի առաջնորդները հմտորեն օգտագործում են իրենց աճող հեղինակությունն աշխարհի ծայրահեղական խմբավորումների և շարժումների շրջանում` իրենց վերահսկողությունը տարածելու համար:
Պարբերականը նշում է, որ ԻՊ-ի համար այս նոր ռազմավարական բազան նախատեսված է Հյուսիսային Աֆրիկայի և Միջերկրական ծովի միջոցով Եվրոպայի վրա հարձակման համար:
Ամերիկացի զինվորականները դեռ լայն հնարավորություններ չունեն Լիբիայում ԻՊ-ին ճնշելու համար:
ԱՄՆ-ն չի ցանկանում ընդլայնել օդային արշավն ահաբեկչական խմբավորման դեմ Սիրիայի և Իրաքի տարածքներում, ինչպես նաև՝ Հյուսիսային Աֆրիկայում:
«Լիբիայի տարածքում չկան զինված ուժեր, որոնց ԱՄՆ-ն կկարողանար վստահել և համագործակցել՝ հարվածներ հասցնելու հարցում, ինչպես անում է Իրաքում»,-ասված է հոդվածում:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
