Ռիգայում ԱլԳ առաջին մեդիա համաժողովի ուշադրությունից չի վրիպել Ադրբեջանում ազատ խոսքի ոտնահարումը

Լատվիայի մայրաքաղաք Ռիգայում կայացավ Արևելյան գործընկերության երկրների առաջին մեդիա համաժողովը, որին մասնակցում էին ԶԼՄ-ների, քաղաքացիական հասարակության 300 ներկայացուցիչներ և փորձագետներ: «Մեդիայի դերը Արևելյան գործընկերությունում» խորագրով մեդիա համաժողովի պատվավոր հյուրերն էին Եվրոպայի հարևանության քաղաքականության և ընդլայնման հարցերով ԵՄ հանձնակատար Յոհանես Հանը, Լատվիայի նախկին նախագահ Վաիրա Վիկե-Ֆրայբերգան, Մարդու իրավունքների հարցերով Եվրոպայի խորհրդի հանձնակատար Նիլս Մուժնիեկսը, Մամուլի ազատության հարցերով ԵԱՀԿ ներկայացուցիչ Դունյա Միյատովիչը:

Մարդու իրավունքների հարցերով Եվրոպայի խորհրդի հանձնակատար Նիլս Մուժնիեկսն իր ելույթում ներկայացրել է Եվրոպական միությունում և գործընկեր պետություններում մարդու իրավունքների իրավիճակը' նշելով, որ Ադրբեջանը գլխավորում է այն երկրների ցանկը, ուր մարդու իրավունքները ոտնահարված են: «Ադրբեջանցի բոլոր գործընկերներս՝ իրավապաշտպաններ, լրագրողներ, բանտարկված են: Նրանց ներկայացրած մեղադրանքները խիստ հակասական են, լուրջ կասկածներ են հարուցում»,-«Արմենպրես»-ի հաղորդմամբ' ասել է հանձնակատարը :

ԵԱՀԿ ներկայացուցիչ Դունյա Միյատովիչը ևս անհանգստություն է հայտնել Ադրբեջանում ազատ խոսքի ոտնահարման դրսևորումներով: Նա թվարկել է անգամ բանտարկված մի քանի ակտիվիստների անուններ' հարցադրում անելով ու տարակուսանք հայտնելով, թե ինչու են նրանք մեկուսացված:

Համաժողովի առաջին հատվածում քննարկվել է ԱլԳ երկրների ընդհանուր մեդիա դաշտը, դրան ուղղված մարտահրավերներն, իրավական և քաղաքական գործոնները̦ ինչպես նաև մամուլի, ներգրավվածության աստիճանը, անաչառ և պորֆեսիոնալ լրատվության ապահավում:

Երեք մասերից բաղկացած համաժողովի երկրորդ հատվածում արծարծվել է մարտահարվերներով հարուստ միջավայրում անաչառ տեղեկատվության ազատ հոսքի ապահովումը և դրանում լրատվամիջողցների ունեցած դերը: Իսկ համաժողովի երրորդ հատվածը նվիրված էր մեդիային ուղղված մարտահրավերեներին արձագանքելու մեխանիզմներին, ինչպես նաև թե ինչպես կարող է ԵՄ-ն աջակցել ԱլԳ երկրներում մեդիա դաշտի բարելավմանը, և այդ աջակցության բարձրացմանը:

Էստոնական կենտրոնի ներկայացուցիչ Էթել Հալիստեն նշեց է, որ Արևելյան գործընկերության բոլոր երկրներում, այդ թվումˋ Հայաստանում չափազանց մեծ է տարբեր մեծ և փոքր լրատվամիջոցների թիվը: «Եթե արհեստականորեն պահում եք այդ բոլոր փոքր լրատվամիջոցներին, դա չի օգնում որակի բարձրացմանը, քանի որ որքան շատ գումար ունես, այնքան մեծ որակ կարող ես պահանջել»,- նշեց նա:

Որպես խոսքի և մամուլի ազատության խթանիչ միջոցներ քննարկվեցին ավանդականին զուգահեռ նոր մեդիա միջոցների զարգացմանը խթանումը: