Ազգությամբ հայ բնապահպանին Ռուսաստանում հինգ տարի ազատազրկում է սպառնում

Ըստ Կրասնոդարի մարզի քննչական մարմնի հայտարարության՝ բնապահպան Սուրեն Ղազարյանի նկատմամբ մեղադրանք է ներկայացվել։ Համաձայն այդ եզրակացության՝ Ղազարյանին 5 տարվա ազատազրկում է սպառնում, հաղորդում է Газета.Ru–ն։

Ղազարյանի դեմ քրեական գործ էր հարուցվել անցյալ տարվա նոյեմբերին, երբ նա Կրասնոդարի մարզի նահանգապետ Ալեքսանդր Տկաչովի առանձնատան ցանկապատի վրա գրել էր «Սա մեր անտառն է», «Սա մեր հողն է» և «Գողերի կուսակցություն» արտահայտությունները։