Ուրումչիում գաղտնի բանակցություններ են կայացել Քաբուլի և «Թալիբան»-ի ներկայացուցիչների միջև. The Wall Street Journal

Համաշխարհային Մամուլ 25 Մայիս, 2015 23:02

Քաբուլի և «Թալիբան» շարժման ներկայացուցիչների միջև անցած շաբաթ գաղտնի բանակցություններ տեղի են ունեցել Չինաստանի Սինցզյան-Ույղուրյան ինքնավար շրջանի մայրաքաղաք Ուրումչիում: Այդ մասին, ինչպես տեղեկացնում Է «Արմենպրես»-ը, The Wall Street Journal թերթը հաղորդել Է իր Էլեկտրոնային կայքում՝ վկայակոչելով իրազեկ աղբյուրներ:

Հրատարակության տվյալներով՝ այդ բանակցությունների նպատակը եղել Է տարածաշրջանային ջանքերի ակտիվացման ուղղությամբ այն հնարավորությունների և միջոցների քննարկումը, որոնք նպաստում են երկրում լայնամասշտաբ խաղաղ երկխոսություն սկսելուն: «Երկօրյա հանդիպման (մայիսի 19-20-ին) ընթացքում Չինաստանի հյուսիսարևմտյան Ուրումչի քաղաքում քննարկվել են խաղաղ գործընթացի հնարավոր սկսման նախնական պայմանները,-ասված Է հրապարակման մեջ:-Դրանք բանակցություններ են եղել բանակցությունների շուրջ»:

Ինչպես նշում Է հրատարակությունը, այդ հանդիպման առանձնահատկությունը եղել Է դրան Մոհամադ Մասում Ստանիկզայի մասնակցությունը, որը մինչև անցած շաբաթ եղել Է Աֆղանստանի Խաղաղության բարձրագույն խորհրդի (ԽԲԽ) առավել ազդեցիկ անդամը: Թերթի տվյալներով՝ մայիսի 21-ին նրա թեկնածությունն առաջադրվել Է երկրի պաշտպանության նախարարի պաշտոնի համար, որը նա կարող Է զբաղեցնել, եթե Աֆղանստանի օրենսդիր ժողովը պաշտպանի այդ առաջարկությունը: Ստանիկզայն Ուրումչիում գլխավորել Է աֆղանական պատվիրակությունը՝ դրանով իսկ նման բանակցություններում աննախադեպ կերպ ով բարձրացնելով դրա ներկայացուցչության մակարդակը, նշում Է հոդվածի հեղինակը:

«Թալիբան»-ի կողմից հանդիպմանը մասնակցել են այդ շարժման երեք նախկին բարձրաստիճան ներկայացուցիչներ՝ մոլլա Աբդուլ Ջալիլը, մոլլա Մոհամադ Հասան Ռահմանին և մոլլա Աբդուլ Ռազակը, որոնք, ինչպես նշվել Է, մոտ են կանգնած «Թալիբան»-ի ղեկավարող խորհրդին, որը բազավորված Է Պակիստանի Քվետա քաղաքում:

«Այդ հանդիպումը նշանակալի Էր նաև այն պատճառով, որ դրա անցկացմանն աջակցում Էր Պակիստանի հետախուզական գերատեսչությունը, ինչը բացահայտորեն վկայում Է Իսլամաբադի բարի կամքի առկայությունը Աֆղանստանում դիմակայության բանակցային կարգավորման հառցում»,-նշվում Է հոդվածում:

Թերթը նշում Է, որ կարևոր Է նաև հանդիպման անցկացման վայրը: «Վերջին ամիսներին Չինաստանն Էլ ավելի Է մոտեցել միջնորդի դերին աֆղանական հակամարտության մեջ՝ խաղաղ բանակցությունների սկսման հնարավորությունները քննարկելիս ավելի սերտ կապեր հաստատելով ինչպես Քաբուլի կառավարության, այնպես Էլ «Թալիբան»-ի հետ,-գրում Է հրատարակությունը:-Ուրումչիի հանդիպումն այն բանի ազդանշանն Է, որ Չինաստանի դիվանագիտական ջանքերը, հնարավոր Է, թափ են առնում, հաղորդել Է ՏԱՍՍ-ը: