Գլենդելի հայ բնակիչն ավարտել է Ցեղասպանության 100-ամյակին նվիրված 55-օրյա հացադուլը (լուսանկարներ)

Գլենդելի բնակիչ Աղասի Վարդանյանը մայիսի 28-ին դուրս է եկել ապակեպատ շինությունից՝ ավարտելով իր 55-օրյա ծոմապահությունը, որի նպատակն էր ուշադրություն հրավիրել Հայոց ցեղասպանության 100-ամյակին: Այս մասին գրում է glendalenewspress.com-ը:

Բըրբենք քաղաքի հայկական եկեղեցուն կից շինությունից տղամարդուն օգնել են դուրս գալ ընկերները և նստեցրել հաշմանդամի սայլակին: Նրան աջակցելու են եկել հարյուրավոր հայրենակիցներ:

Րոպեներ անց Վարդանյանն ասել է. «Ես ինձ լավ եմ զգում: Մեծ բավականություն ստացա»:

Հացադուլից հետո տղամարդը կշռում է մոտ 76 կգ՝ 25 կգ պակաս, քան 55-օրյա ծոմը սկսելը:

Պարիսպում գտնվելով՝ նա հավաքվածներին պատմել է, որ հայերն ամբողջ աշխարհից իմացել են իր ջանքերի մասին և աջակցել իրեն:

Շինությունից դուրս գալուց հետո ներկաներից մեկը նրան հարցրել է՝ ինչ է պատրաստվում ուտել այժմ, երբ հացադուլն ավարտվել է, տղամարդը կատակել է. «Ինչ էլ որ հիմա ուտեմ, աշխարհի ամենահամեղ ուտելիքն է լինելու»: