Ապրիլին Հայաստանի միջազգային պահուստներն ավելացել են 4.3 մլն դոլարով

Հայաստանի համախառն միջազգային պահուստները ապրիլին ավելացել են շուրջ 4.3 մլն դոլարով կամ 0.28 տոկոսով և կազմել 1 մլրդ 495 մլն 800 հազար դոլար: 

Ազատ փոխարկելի արժույթով արտաքին ակտիվները կազմել են 1 մլրդ 495 մլն դոլար, որոնց կազմում արժեթղթերի ծավալը՝ 1 մլրդ 110 մլն 300 հազար դոլար: Արժույթի միջազգային հիմնադրամում փոխառության հատուկ իրավունքների (SDR) ծավալը կազմել է 0.7 մլն դոլար։

Հայաստանի միջազգային համախառն պահուստները 2014 թ. դեկտեմբերին կազմել էին 1 մլրդ 489.3 մլն դոլար՝ նվազելով 762,3 մլն դոլարով։ Միջազգային պահուստներից 945.4 միլիոնն արժեթղթեր էին, իսկ կանխիկ արտարժույթը և ավանդները կազմել են 492.4 մլն: ԱՄՀ-ում փոխառության հատուկ իրավունքը (SDR) դեկտեմբերին կազմել էր 6,2 մլն դոլար: