Չեռնոբիլից Հայաստանի Հանրապետություն կաթի փոշի չի ներկրվել. ՍԱՊԾ
Տնտեսություն
ՀՀ ԳՆ սննդամթերքի անվտանգության պետական ծառայությունը սահմանային հսկողության շրջանակներում վերահսկում է ներմուծվող կաթի փոշու անվտանգության ցուցանիշների համապատասխանությունը՝ իրականացնելով թե փաստաթղթային, թե լաբորատոր ուսումնասիրություններ: Այս մասին նշված է ՀՀ ԳՆ ՍԱ ՊԾ-ի տարածած հաղորդագրության մեջ, որում ասված է.
«Հաշվի առնելով վերջին օրերին մամուլում շրջանառվող լուրերը կաթի փոշու ներկրման ծավալների ավելացման մասին և կաթի մթերման գնի նվազումը դրանով պայմանավորելու փորձերը՝ ՀՀ ԳՆ սննդամթերքի անվտանգության պետական ծառայությունը տեղեկացնում է, որ 2015 թվական ընթացքում հանրապետություն կաթի փոշու ներկրման ծավալը նվազել է. 2014թ. հինգ ամիսներին (հունվար-մայիս) ներմուծվել է 726.950 տոննա կաթի փոշի, 2015թ. համադրելի ցուցանիշը 688.325 է, այսինքն՝ շուրջ 38 տոննայով պակաս:
Կաթի փոշի է ներկրել շուրջ 10 ընկերություն՝ Լիտվայից, Գերմանիայից, Ուկրաինայից, Բելառուսից, Նիդեռլանդներից: Չեռնոբիլից Հայաստանի Հանրապետություն կաթի փոշի չի ներկրվել:
ՀՀ ԳՆ սննդամթերքի անվտանգության պետական ծառայությունը սահմանային հսկողության շրջանակներում վերահսկում է ներմուծվող կաթի փոշու անվտանգության ցուցանիշների համապատասխանությունը՝ իրականացնելով թե փաստաթղթային, թե լաբորատոր ուսումնասիրություններ»:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
