Նոր հնարավորություններ հայկական գովազդային շուկայում Manager.am համակարգի կողմից

Հանրության ուշադրությունը գրավելու մերօրյա ամենաազդեցիկ գործիքներից է նաև սոցցանցերի ակտիվ հարթակների միջոցով ինֆորմացիայի տարածումը ըստ նախընտրելի ոլորտների և թիրախային խմբերի: MANAGER.AM համակարգն առաջինն է հայաստանյան շուկայում, որ սոցցանցերում՝ անհատական և կորպորատիվ էջերում, ստատուս տեղադրելու միջոցով գովազդ պատվիրելու հնարավորություն է ընձեռում:

Համակարգին կարող են մասնակցել սոցցանցերում գրանցված այն հարթակները, որոնք ակտիվ են, ունեն հայաստանյան լսարան և նվազագույնը 2000 ընկեր կամ բաժանորդ:

«Սոցցանցեր» բաժնում գովազդը վաճառվում է ըստ ընդգրկման քանակի, եթե պատվերը կատարվում է Facebook-Pages (ֆեյսբուքյան կորպորատիվ էջեր) նախագծերին: Այս դեպքում գումարը սահմանվում է 1000 ընդգրկման համար և կարելի է է պատվիրել մինչև տվյալ նախագծում նշված հնարավոր մաքսիմալ ընդգրկման քանակով: Բոլոր մյուս դեպքերում Facebook-Users (անհատական էջեր), Vkontakte, Twitter, Instagram, Odnoklassniki նախագծերում գինը սահմանվում է 1 ստատուսի համար, և դիտումների քանակը չի վերահսկվում:

Համակարգում գրանցված բոլոր նախագծերի վիճակագրական տվյալները թարմացվում են ամեն շաբաթ:

Համակարգի հաջորդ նոր բաժինը էլփոստի թիրախային հասցեների բազա ունեցող նախագծերի համար է: Այժմ հնարավոր է գովազդ պատվիրել Ձեր նախընտրած ոլորտի էլհասցեներին նամակ ուղարկելու միջոցով:

Նշենք, որ MANAGER.AM համակարգը դեռ նախորդ տարի ևս նորամուծություն էր կատարել հայկական գովազդային շուկայում՝ գործարկելով կայքերում տեղակայվող գովազդի՝ ցուցադրության քանակով վաճառքի մոդելը, որը հաջողվեց և անգամ օրինակելի դարձավ:

MANAGER.AM համակարգը ինտերնետային գովազդի միակ շուկան է Հայաստանում: Այստեղ կարող եք հեշտությամբ գտնել գովազդի Ձեր նախընտրած տարբերակը և հաշված րոպեների ընթացքում պատվիրել այն:

Համակարգը նախատեսված է թե՛ ֆիզիկական, թե՛ իրավաբանական անձանց համար: Գովազդատուները և նախագծերի ղեկավարները կարող են անվճար գրանցվել համակարգում և փոխշահավետ համագործակցություն իրականացնել: