Եվրոպայի առաջնորդները պետք բոյկոտեն Ադրբեջանում կայանալիք Եվրոպական խաղերը. The Guardian

Համաշխարհային Մամուլ 3 Հունիս, 2015 20:16

Եվրոպայի առաջնորդները չափազանց հանդուրժող են եղել Արդբեջանի Նախագահ Իլհամ Ալիևի անհանդուրժողականության հանդեպ, սակայն դեռևս շատ ուշ է չէ դեմ դուրս գալ այդ ամենին: «Արմենպրես»-ի փոխանցմամբ՝ այս մասին նշում է բրիտանական The Guardian թերթը հունիսի 3-ին հրապարակած իր հոդվածում:

Ադրբեջանն այս տարի առաջին անգամ պատրաստվում է հյուրընկալել Եվրոպական խաղերը: Հունիսի 12-ին Բաքվում կմեկնարկի մրցաշարը, որին կմասնակցեն Եվրոպական օլիմպիական կոմիտեի 50 երկրների առաջատար մարզիկները:

Բրիտանական թերթի դիտարկմամբ՝ խաղերի անցկացման համար ընտրելով Ադրբեջանի նման պետության, որ բացահայտորեն հալածում և ճնշում է քաղաքական այլախոհներին և գրաքննության ենթարկում և բանտարկում լրագրողներին, եվրոպական մարզաշխարհի ղեկավարները վատ լույսի ներքո են ներկայացրել սպորտային իրադարձությունը՝ ավելի ակնառու դարձնելով դրա բացասական կողմերը՝ հսակայական ծախսեր պահանջող զանգվածայնություն, գրաքննություն և քաղաքական ճնշումներ:

Ադրբեջանը 6.5 միլիարդ ֆունտ ստեռլինգ (10 մլրդ դոլար) է ծախսել սպորտային հրապարակների կառուցման և նախապատրաստման համար: Ըստ պարբերականի՝ սա Ադրբեջանի համար հավակնոտ նախագիծ է, որով Ալիևը հույս ունի «սև ոսկին» վերածել Օլիմպիական ոսկու՝ ուղի հարթելով 2024 կամ 2028 թվականների Օլիմպիական խաղերը հյուրընկալելու համար:

The Guardian-ը հիշեցրել է, որ Ադրբեջանում մոտ 80 քաղաքական բանտարկյալներ կան, մարդու իրավունքների պաշտպան բազմաթիվ ակտիվաիստներ և լրագրողներ հալածանքների, սպառնալիքների և սահմանափակումների են ենթարկվում իրենց երկրում: Դեռևս 2009 թվականին WikiLeaks-ը բացահայտել էր ԱՄՆ դիվանագետի խոսքերը, ով Ադրբեջանը նկարագրել էր որպես մաֆիոզ պետություն: Համեմատականներ տանելով հայտնի «Կնքահայրը» ֆիլմի հետ՝ դիվանագետն Իլհամ Ալիևին նմանեցրել էր Մայքլ Կոռլեոնեի և Սոնի Կոռլեոնեի հետ: