ԵՄ-ին Մեծ Բրիտանիայի անդամակցության պայմանների վերանայման պլանը կձգվի մինչև 2019 թվականը. Times

Համաշխարհային Մամուլ 11 Հունիս, 2015 1:57

Եվրամիությանը Մեծ Բրիտանիայի անդամակցության պայմանների վերանայման պլանը կձգվի մինչև 2019 թվականը: Այս մասին, ինչպես տեղեկացնում Է «Արմենպրես»-ը, հաղորդել Է Times թերթի Էլեկտրոնային տարբերակը՝ վկայակոչելով այն գաղտնի փաստաթուղթը, որը քննարկման Է ենթակա Եվրոպայի երկրների ղեկավարների կողմից:

Թերթի տվյալներով՝ Մեծ Բրիտանիայի համար «կմշակվի ԵՄ-ի կանոնների փոփոխման երկփուլ գործընթաց, նախատեսված մինչև 2019 թվականի կեսերը», ինչն «զգալի քաղաքական հնարավորություններ կբացի» Միացյալ Թագավորության վարչապետ Դևիդ Քեմերոնի համար: «Սակայն որոշ պահանջներ, ներառյալ ԵՄ-ի երկրներից միգրանտների տեղաշարժման ազատության սահմանափակումը, կհետաձգվեն մինչև 2019 թվականը»,- շարունակում Է հրատարակությունը:

Թերթը նշում Է, որ 2017 թվականի գարնանը նախատեսված են «սահմանափակ փոփոխություններ Եվրամիության դաշնագրում»: «Քեմերոնը կկարողանա այդ դեպքում իր ընտրողներին կոնկրետ նվաճում ներկայացնել հանրաքվեի նախաշեմին, որը նա խոստացել Է անցկացնել 2017 թվականին»,- ընդգծում Է թերթը:

ԵՄ-ին Մեծ Բրիտանիայի հետագա անդամակցության հարցի շուրջը հանրաքվեն պահպանողականների առաջնորդ և թագավորության վարչապետ Քեմերոնի նախընտրական խոստումներից մեկն Էր, որը, սակայն, հանդես Է գալիս Եվրամիության կազմում երկրի պահպանման օգտին: Կառավարության ղեկավարը խոստանում Է բարենորոգման շուրջը բանակցություններ վարել միության մյուս ղեկավարների հետ: Մասնավորապես, Մեծ Բրիտանիային չի բավարարում երկիր մեծ թվով միգրանտների ժամանումը Արևելյան Եվրոպայի երկրներից և թագավորության խորհրդարանի լիազորությունների սահմանափակումը, հաղորդել Է ՏԱՍՍ-ը: