ԵՄ-ն կարող է արագացնել Ռուսաստանի դեմ պատժամիջոցների վերաբերյալ որոշման ընդունումը. WSJ

ԵՄ-ն հունիսի 22-ին Լյուքսեմբուրգում կայանալիք արտգործնախարարների հանդիպմանը ուսումնասիրում է Ռուսաստանի դեմ պատժամիջոցների երկարացման մասին որոշման ընդունման հնարավորությունը, հաղորդում է The Wall Street Journal-ը:

ԵՄ-ի ներսում ձևավորվում է միասնական դիրքորոշում պատժամիջոցները ևս կես տարով երկարաձգելու անհրաժեշտության վերաբերյալ, որոնց գործողության ժամկետը լրանում է հուլիսի վերջին:

Սկզբում նախատեսվում էր պատժամիջոցների հարցը քննարկել հունիսի 25-26-ը կայանալիք ԵՄ գագաթնաժողովում, սակայն այժմ հավանական է` հարցը լուծվի արտգործնախարարների հանդիպմանը, ընդ որում՝ առանց որևէ քննարկման՝ որպես զուտ տեխնիկական հարց: