Ֆրանսիայում Թուրքիայի հյուպատոսարանն իշխանություններից պահանջել է պատժել խաղաղ ցույց անցող հայերին
Սփյուռք
Ֆրանսիական Լիոն քաղաքի կենտրոնական հրապարակում «Հյուպատոսական տոնակատարություններ» ամենամյա միջոցառման ժամանակ խաղաղ ցույց իրականացրած հայ երիտասարդների վրա թուրքական հյուպատոսարանի աշխատակիցների հարձակումից հետո երկրում Թուրքիայի գլխավոր հյուպտոս Հիլմի Էգե Թյուրեմենը բողոք է ներկայացրել հայերի դեմ: Ինչպես հաղորդում է «Արմենպրես»-ը, այս մասին տեղեկացնում է թուրքական «Սաբահ» պարբերականը:
Հայ երիտասարդների վրա հարձակված Թյուրմենն իրավապահ մարմիններին է դիմել և պահանջել հետաքննել կատարվածը և «համապատասխան տույժ սահմանել պատասխանատուների նկատմամբ»:
Լիոնի կենտրոնական «Բելքուղ» հրապարակում «Հյուպատոսական տոնակատարություններ» ամենամյա միջոցառման ժամանակ հայ երիտասարդները ներկաների ուշադրությունը հերթական անգամ ցանկացել են հրավիրել Հայոց ցեղասպանության հարցում թուրքական ժխտողականության վրա: Հայ երիտասարդների բողոքի ակցիան, սակայն, խաղաղ ընթացք չի ունեցել: Հայ հեղափոխական դաշնակցության երիտասարդական թևը համարվող «Նոր սերունդ» կազմակերպության անդամները նստացույց են իրականացրել Ֆրանսիայում Թուրքիայի գլխավոր հյուպատոսության տաղավարի առջև, որտեղ էլ հարձակման են ենթարկվել հյուպատոսարանի աշխատակիցների և անձամբ հյուպատոս Հիլմի Էգե Թյուրեմենի կողմից:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
