ՌԴ-ի պատասխան պատժամիջոցներից Իտալիայի կորուստները գերազանցել են 1,5 մլրդ դոլարը. Bloomberg

Պատժամիջոցների սահմանումից հետո ռուսաստանցիներն ավելի քիչ են Ferragamo գնում եւ սովորում են ապրել առանց պարմեզան պանրի այն դեպքում, երբ Իտալիայի ընդհանուր կորուստները սահմանված սահմանափակումների պատճառով գերազանցում են 1,5 մլրդ դոլարը: Այդ մասին, ինչպես տեղեկացնում Է «Արմենպրես»-ը, գրել Է Bloomberg գո րծակալությունը:

«Մենք անհանգստացած ենք ու վախեցած»,- հայտարարել Է Իտալիայի արդյունաբերության նախարար Ֆեդերիկա Գուիդին հարցազրույցում, որը նա Bloomberg-ին տվել Է Հռոմում գտնվող Վիա Վենետոյի իր գրասենյակում:

2014 թվականին Ռուսաստան իտալական արտահանումը կրճատվել Է 1,25 մլրդ եվրոյով կամ 12 տոկոսով, ինչի մասին վկայում են Istat վիճակագրական պետական ինստիտուտի տվյալները: Այդ թվում՝ հագուստի, տեքստիլի եւ կոշիկի արտահանումն ընկել Է 16,5 տոկոսով, սննդամթերքինն ու ծխախոտի արտադրանքինը՝ 9,6 տոկոսով, հաստոցների եւ սարքավորումների արտահանումը՝ 4,1 տոկոսով:

Այս տարի դինամիկան կարող Է ավելի տխուր լինել. հունվար-ապրիլին Ռուսաստանում իտալական ապրանքների ու ծառայությունների վաճառքների անկում Է գրանցվել 29,4 տոկոսով: Bloomberg-ի հավաքած կանխատեսումների համաձայն, 2015 թվականին հագուստի, տեքստիլի եւ կոշիկի արտահանման կրճատումը կհասնի 26,4 տոկոսի, պարենինը եւ ծխախոտինը՝ 47,1 տոկոսի, հաստոցների եւ սարքավորումների արտահանման կրճատումը՝ 28,8 տոկոսի, հաղորդել Է «Ինտերֆաքս»-ը: