4 միլիարդ 395 մլն դրամ` մարզպետարաններին

ՀՀ մարզերում առաջնահերթ լուծում պահանջող հիմնախնդիրների կարգավորման նպատակով կառավարության պահուստային ֆոնդից մարզպետարաններին հատկացվեց 4 միլիարդ 395 մլն դրամ:

ՀՀ տարածքային կառավարման և արտակարգ իրավիճակների նախարար Արմեն Երիցյանը նշեց, որ Արագածոտնի մարզին կհատկացվի 300 մլն, Արարատի՝ 630, Արմավիրի՝ 635, Գեղարքունիք 445, Լոռու՝ 485, Կոտայքի՝ 470, Շիրակի՝ 530, Սյունիքի՝ 300, Վայոց Ձորի և Տավուշի՝ 300-ական մլն դրամ:

«Այս ծրագիրը շատ ենք կարևորում, մեր սուղ հնարավորություններից, պահուստային ֆոնդից այս 4 միլիարդ 395 միլիոնը հատկացնում ենք համայնքներում հրատապ ծրագրեր իրականացնելու համար»,- ասաց Հովիկ Աբրահամյանը և Արմեն Երիցյանին և Արմեն Մուրադյանին հանձնարարեց մանկապարտեզների սանիտարական վիճակի կարգավորմանը նույնպես ֆինանսական միջոցներ ուղղել, զուգահեռ լուծում տալով նաև այլ խնդիրների: