Իրանական նավթը կարող է որպես այլընտրանք օգտագործվել Ադրբեջանի դեմ. փորձագետ

Միջուկային ծրագրի հետ կապված պատժամիջոցները վերացնելու շուրջ Իրանի և «վեցյակի» միջեւ ձեռք բերված համաձայնությունից հետո, երբ Brent տեսակի նավթի մեկ բարելի համաշխարհային գինն անմիջապես 1,8 տոկոսով էժանանալով հասավ 57,11 դոլարի,

Բաքվում երկյուղում են, որ այդ որոշումը կարող է ծանր հետեւանք ունենալ ադրբեջանական տնտեսության վրա, քանի որ իրանական նավթը կարող է որպես այլընտրանք օգտագործվել Ադրբեջանի դեմ:

Ինչպես հաղորդում է «Արմենպրես»-ը, reaksiya.az-ի հետ զրույցում նման զարգացումը խիստ հավանական է գնահատել ադրբեջանցի փորձագետ Էլչին Գուրբանովը, ում խոսքով' այդ համաձայնությունից հետո ստեղծվելիք հասարակական-քաղաքական իրավիճակը կմեծացնի Ադրբեջանի վրա Արեւմուտքի կողմից ճնշում գործադրելու հնարավորությունները:

Փորձագետը նշել է, որ առաջիկա մեկ ամսվա ընթացքում ավելի պարզ կուրվագծվի Իրանի հետ ձեռք բերված համաձայնության տնտեսական արդյունքը. կվերացվի ՄԱԿ-ի ԱԽ կողմից Իրանի դեմ ընդունված պատժամիջոցները:

«Դրա արդյունքում Իրանը ծրագրել է 92 տոկոսով մեծացնել նավթի արդյունահանման սեփական ծավալները: Ադրբեջանում մարդու իրավունքների խախտումների, կոռուպցիայի դեմ Արեւմուտքն էլ մեծացրել է Ադրբեջանի դեմ իր ճնշումները: Ադրբեջանի վրա Իրանի համաձայնության ազդեցությունը քաղաքական բովանդակություն է կրում: Եթե նկատի ունենաք, որ Ադրբեջանի իշխանության դեմ Եվրոպայի դատապարտումներն արդեն քաղաքական մակարդակ են թեւակոխել, ապա կարելի է միանշանակ պնդել, որ այդ իրադարձությունն Ադրբեջանի վրա տնտեսապես ազդելու լավ հնարավորութուններ է ստեղծում: Եթե Ար եւմուտքի հերթական թիրախն Ադրբեջանն է, ապա իրանական նավթը կարող է Բաքվի դեմ որպես այլընտրանքային տարբերակ օգտագործվել», -ընդգծել է փորձագետը: