Վերականգնելով դիվանագիտական հարաբերությունները՝ ԱՄՆ-ը և Կուբան ավարտեցին «սառը պատերազմը. The Washington Post

ԱՄՆ-ի և Կուբայի միջև «սառը պատերազմի» ավարտ է համարել The Washington Post թերթն այս երկու երկրների միջև երկկողմ դիվանագիտական հարաբերությունների վերականգնումը:

Միացյալ Նահանգների և Կուբայի միջև «սառը պատերազմը» պաշտոնապես ավարտվեց 54 տարի, 6 ամիս և 17 օր հետո երկու երկրների միջև դիվանագիտական հարաբերությունների վերականգնմամբ և ևմիմյանց մայրաքաղաքներում դեսպանատների կրկնական բացմամբ»,- հուլիսի 20-ին ընդգծել է թերթն իր էլեկտրոնային տարբերկաում, տեղեկացնում է «Արմենպրես»-ը:

Թերթը նաև ուշադրություն է հրավիրել Վաշինգտոնում ԱՄՆ-ի պետքարտուղար Ջոն Քերիի և Կուբայի արտաքին գործերի նախարար Բրունո Ռոդրիգեսի բանակցությունների արդյունքների վերաբերյալ մամուլի համար համատեղ ելույթին: Արտաքին քաղաքական գերատեսչությունների ղեկավարները «միմյանց են դիմել անուններով» և ժամանակ առ ժամանակ անցել «միմյանց լեզվին», նշել է հրատարակությունը:

Միևնույն ժամանակ, հավելել է The Washington Post-ը, «երկու կառավարությունները պարզորոշ հասկանալ են տվել, որ իրենց միջև մնում է խորը պառակտումը մի շարք հարցերի գծով, ներառյալ ԱՄՆ-ին ուղղված՝ Կուբայի պահանջը վերացնելու առևտրային բռնարգելքը և հրաժարվելու Գունատանամոյի ամերիկյան ռազմածովային կայանից», հաղորդել է ՏԱՍՍ-ը: