Ոսկին թանկանում Է դոլարի թուլացման ֆոնի վրա

Ոսկու գինը հուլիսի 27-ին աճում Է՝ արձագանքելով ամերիկյան դոլարի փոխարժեքի նվազմանը՝ սպասելով ԱՄՆ-ի Համերկրային պահուստային համակարգի (ՀՊՀ) նիստին, վկայում են սակարկությունների տվյալները:

Երեւանի ժամանակով 09.32-ի դրությամբ Նյու Յոքի Cimex սակարանում ոսկու՝ դեկտեմբերի ապառնագիրը թանկացել Է 11,6 դոլարով կամ 1,07 տոկոսով՝ մինչեւ 1097,6 դոլար ոսկեդրամի մեկ ունցիայի դիմաց: Արծաթի՝ սեպտեմբերի ապառնագրի գինը բարձրացել Է 0,77 տոկոսով՝ մինչեւ 14,6 դոլար մեկ ունցիայի դիմաց:

Երեւանի ժամանակով 09.26-ին դոլարի ինդեքսը (դոլարի փոխարժեքն ԱՄՆ-ի հիմնական առեւտրական գործընկեր-երկրների վեց արժույթների զամբյուղում) իջել Է մինչեւ 97,03 կետ այն անորոշության ֆոնի վրա, որը կապված Է ԱՄՆ-ի դրամական քաղաքականության հետագա ուղեգծի հետ: ԱՄՆ-ի ՀՊՀ-ի հերթական երկօրյա նիստը տեղի կունենա հուլիսի 28 – 29-ը, դրա արդյունքներով հայտնի կդառնա բազային դրույքաչափի վերաբերյալ կարգավորիչի որոշումը:

«Հենց որ ստույգ հասկանալի լինի, թե ՀՊՀ-ն կբարձրացնի դրույքաչափը, մենք նոր իջեցում կտեսնենք»,- Հոնկոնգում Bloomberg գործակալությանը հայտարարել Է UBS Wealth Management-ի վերլուծաբան Դոմինիկ Շնայդերը: UBS-ն կանխատեսում Է, որ կարճաժամկետ հեռանկարում ոսկու արժեքը կարող Է իջնել մեկ ունցիայի դիմաց մինչեւ 1050 դոլար, հաղորդել Է ՌԻԱ Նովոստին: